唔少人買衫之前都會去試身室試啱先再買，不過如果試試下衫突然發現自己被偷拍，都咪話唔驚。21歲做文職嘅Kiko，尋日5點幾去咗觀塘APM嘅H&M試身室試衫，突然見到門口布簾有部iPhone手機，一開布廉就見到個1.8米嘅內地男企喺門口出面，懷疑個男人偷影佢。

 

Kiko入試身室之前見唔到有職員當值，就直接入去試衫，而試身室門口布簾底部離地只有一呎，出面嘅人好易就可以偷影。佢翻睇自拍照，果然影到佢試第一件衫個陣已經被人偷影，不過就唔知喺幾時開始被人偷影。Kiko話「當時好驚，擔心有關片段被流傳，想找到偷拍者取回段片。」

       

Kiko話偷影男大概25至30歲、高1.8米，著深色長褸同衫褲企喺試身室門口。佢質問對方「係咪偷拍我？」，偷影男慌張話「唔係我，我見個男人走咗。」Kiko即刻著番衫出嚟，但已經見唔到偷影男，不過佢都唔肯定係咪嗰個男人偷影佢。

 

       

有網友就話「無啦，大陸人打橫行架嘛」，都有網友覺得事主自己都有責住，「你focus喺塊鏡度嘅話，點會唔知有人偷拍」。有成日去H&M試衫嘅網友就好擔心，「我成日去H&M試衫同裙㗎！會唔會已經俾人偷拍咗我全*㗎？」

       

 

       

睇嚟下次試衫真係要好小心先得。